وزير الما.. يقطعو عليه لما النهار اللول باش يعرف بحق أزمة المياه

مغاديش نلقاو شي بيزوطاج لوزير الماء والبيئة الجْديد، من غير أنهم يقطعو عليه الما النهار اللول فالوزارة، أو علاش لا يبنيوْ ليه شي مقر جْديد، ما فيهش «الروبينيات» أصلا، باش من «الديبّار» يعرف بحق الشحفة واللكحة، ويحس بمعاناة دوك المواطنين اللي كيْعانيوْ من شح المياه، وكيموتو بالعطش فالمداشر، والقرى النائية وحتى فبعض المدن، ويمنعو عليه حتى القنينات المعدنية. وبما أنه وزير ديال البيئة أيضا، ينقلو ليه، «البيرو» لشي مدينة فيها الميديتي وكتعاني من الغبار الأسود، وتلوث الهواء، باش يشوف بعوْيناتو -آه عفوا – يشم بنوْيفاتو.